oleh: Ridlwan Guru MIN Madat
Posted By: Shulfan (DLC Aceh TIMUR)
Dengan Bismillah Lon Mula Kalam
Pujoe Keu Tuhan po lon Rabbana
Krue seumangat rahmat meugudang
Ka tanyoe jelang KKG Dua
Nabacut haba kesan dan pesan
Tentang Khabaran KKG kita
KKG satu ka terlewatkan
Peunoh ngon kesan ria dan suka
Toe dengon jioh baroh selatan
Meusapat kenan Aula SD Sa
Dari SD Sa tambah SD Blang
SD Bantayan MIN Lampoh Raya
MIN Pucok Alue pih katroh datang
SD Seunong Blang pih katroh teuka
SD Pucok Alue ban dua datang
Ambil bagian dalam acara
Sok baje puteh rok luweu itam
Sang prajabatan diklat di Banda
Sang linto baro jak mumat tangan
Lam pernikahan di kanto KUA
Keu Bapak Tutor pih cukop simban
Dapat latihan di kota Banda
Sa Bapak Munawir yang raya badan
Kulet jom itam meukaca mata
Oek gobnyan paneuk sang-sang cit catam
Lom mantoeng lajang goh na yang punya
Menyoe na hajat jeut tiek lamaran
Boh yang perawan ato pih janda
Soal seulangke bahle lon tuan
Menyoe geukheun han mekham lon tampa
Tutor kedua nama Pak Shulfan
Badan geuh seudang janggot bacut na
Gobnyan S2 ka pendidikan
Khusus jurusan matematika
Tapi status hana lee lajang
Daknya prasaan neusimpan teuma
Bapak Jaimus keu lhee lom teuman
Memang jempolan bidang kinerja
Nyoe postur tubuh pijeut ngon panyang
Dengoen lon tuan nomor that sama
Sinan keuh tanda yakin kerjaan
Jiprah pikiran badan meurana
Bapak Zulkarnaen dilikot bak nyan
Ulee cemerlang bah mantoeng muda
Di Madat City keuno geudatang
Jak ba sumbangan Matematika
Ibu Muliati pih kebagian
Geubri Bimbingan keu tanyoe dumna
Bah tanyoe hanjeut gob nyan han bosan
Likot ngon deupan sare geuputa
Soal materi biet menyenangkan
Peunoh tantangan serius dan tawa
Na teta-teki na permainan
Na cit selingan na olah raga
Bak jeum poh siploh katroh makanan
Dua boh timphan saboh aqua
Watee isoma ka teuka hidang
Aleuh sembahyang ta lanjut teuma
Matri kematri bahan keu bahan
Sampo troh datang akhe acara
Wate meuruno macam piasan
Na ketiduran na cit yang jaga
Soai anggota yang menyedihkan
Niet ureng agam banyak wanita
Agam na limoeng inoeng dua nam
Yang laen bak nyan saleh cit hoeka
Leh ka u kanto leh jak meudagang
Leh leupah u blang leh ka lam paya
Saleh di rumoh mantoeng bak tilam
Karna hek beuklam leu that keurija
Didalam lubok keube keu mubang
Di cong rangkang blang sinyak meudoda
Program DBE kon mayang-mayang
Kana dukungan mandum lembaga
Dari Agama bak Kementrian
Dinas Pendidikan serta Pemuda
Bak Bapak Saiful got taht sambutan
Laen nibak nyan Bapak Armia
Di Bapak Shafri pih hana diam
Troh u Langkahan geu ireng serta
Bah u Blang Seunong leik that jalan
Geu ireng sajan troh Sarah Gala
Sinan Keuh tanda na kemajuan
Karna ureng nyan kon ngomong saja
Dilanget manyang meutabu bintang
Malam menjelang buleuen purnama
Syukur that tanyoe dapat latihan
Hana bayaran cit Cuma-Cuma
Malah oh tawoe lom geupereugam
Asoe di dalam enam dan lima
Tahitung-hitung cukup lumayan
Siuroe gajian golongan dua
Cuma na bacut lon bri peunesan
Peu mantoeng keusan yang ta terima
Bek sinoe kubah ta bawa pulang
Tanyoe terapkan dalam sikula
Yang lebeh-lebeh cok keu pedoman
Yang kurang-kurang sisip tamita
Nyoe murid caroeng tanyoe pih senang
Gob bri pujian ngon suka cita
Laen nibaknyan pahla bak Tuhan
Uroe kemudian tanyoe terima
Simpang Ulim, 31 Maret 2010
Tidak ada komentar:
Posting Komentar